Unha vez actualizada a nosa imaxe da aplicación, é o momento de compartila co resto de usuarios de DockerHub.

1. Inicia sesión en Docker Hub se fose necesario.
2. Fai clic no menú superior Repositories, e a continuación no botón Create repository.
3. No campo Repository name, introducimos todo-app, e deixamos a visibilidade en Public.
4. Fai clic no botón Create para rematar a creación do novo repositorio.
5. Na parte dereita superior aparece un cadro co comando a executar para publicar unha imaxe neste repositorio
   

Volvemos ao entorno de traballo de PWD, e executamos o comando que se indicaba na tarefa anterior:

Algo foi mal!. O comando push está buscando unha imaxe co nome todo-app, pero non foi capaz de localizala. Se executamos o comando docker image ls, comprobamos que, efectivamente, non existe ningunha imaxe con ese nome.

Para arranxar esta situación, precisamos etiquetar correctamente a imaxe co nome esperado polo repositorio en DockerHub.

1. Como no seguinte paso imos ter que identificarnos dende un sitio non seguro (PWD), é aconsellable crear un Token que só usaremos nesta práctica, e despois podemos destruír.
2. Fai clic na imaxe do teu avatar na parte superior dereita, e abre o menú Account Settings.
3. No menú lateral esquerdo, fai clic en Personal Access Tokens.
4. Agora, fai clic no botón Generate New Token e introduce un nome (por exemplo; practica-todo-app). Podemos indicar unha data de caducidade, e por último cambiamos o campo Access permissions ao valor Read & Write.
   
5. Inicia sesión en Docker Hub dende a terminal de PWD co comando docker login -u <username>, e pegamos o Token cando nos pida o contrasinal.
6. Executa o seguinte comando para etiquetar correctamente a imaxe da aplicación
   

   $ docker tag docker-todo <username>/todo-app

7. Agora, executa de novo o comando push anterior (podes omitir a etiqueta latest)

Unha vez que temos publicada a nosa imaxe, imos facer uso da mesma noutra instancia diferente de PWD.

1. No entorno PWD, fai clic no botón Add New Instance.
2. Nesta nova instancia, crea un novo contedor que estea baseado na nosa aplicación (dispoñible en Docker Hub)
   

   $ docker run -dp 3000:3000 <username>/todo-app

3. Observa como se descargan as diferentes capas que forman parte da imaxe, e unha vez rematado este proceso teremos dispoñible a aplicación no porto 3000 desta nova instancia de PWD.